1- غلايات البخار من النوع Fire Tube و Water Tube
3- غلايات الزيت الحرارى Thermal Oil Boiler
– مقدمة Introduction
وهنتكلم فيها عن البخار الجاف و البخار الرطب ومميزات واستخدامات البخار في عمليات التصنيع والتسخين والتعقيم وغيرها من الاستخدامات و أنواع الغلايات وخصائص كل نوع
– وعاء الضغط Pressure Vessel
فى الجزء ده بتتعرف على أنواع التصاميم المختلفة لجسم الغلاية – بيت النار ومواسير اللهب والمرايا ومسارات اللهب – الطوب الحرارى وعزل الغلاية وصمامات الأمان Safety Valves
– الولاعة Burner
وهنا هتتعرف على مبادئ وأساسيات الاحتراق وأنواع وأنظمة الولاعات المختلفة
– نظام المياه Water system
بنتكلم فى الجزء ده عن مواصفات المياه المغذية للغلاية – السوفتنر Softener – الديريتور Deaerator – المعالجة الكيميائية لمياه التغذية Chemical treatment – راجع البخار Condensate – التفوير Blow down
– الصيانة الوقائية PM Plan
وهنا بنتعرف على الصيانات والاجراءات الدورية (اليومية والشهرية والسنوية ) وكمان هنتكلم عن التشغيل الأمثل للمعدات بغرفة الغلاية.
– حلول مشاكل التمدد والطرق المستخدمة لامتصاص التمدد الناتج عن ارتفاع درجة حرارة المواسير ومزايا وعيوب كل طريقة ، وهنتكلم بالتفصيل عن وصلات التمدد Expansion Joints
– مخفضات الضغط PRVs
وفى الجزئية دى هنتكلم عن وظيفة واستخدام مخفضات الضغط وهنتعرف علي كل أنواعها بالتفصيل
– هنتعرف بعده كده علي Steam separator ، و Air vent ، وأنواع المحابس المستخدمة في البخار ، وأهم تطبيقات البخار Steam Applications
– هنتكلم بعد كده عن جزء ممتع جداً وهو مصايد البخار Steam Traps ، هنتعرف علي وظيفتها وأنواعها وفكرة عملها وازاي تختبرها وتكتشف أعطالها
– هنتكلم بعد كده عن Steam recovery ، وهنا هنتعرف على قيمة راجع البخار ، وهنتكلم عن خزان المتكاثف والبخار الفلاش Flash Steam ، وهنتعرف على ظاهرة Water/ Steam Hammering ، أسبابها وطرق علاجها .
فى الجزء الثالث هنتعرف علي الآتى :
– غلاية الزيت Thermal Oil Boiler ، فكرة عملها وجميع مكوناتها ، ومواصفات وخصائص الزيت الحرارى
– هنتعرف بعد كده علي طلمبات التدوير Circulating Pumps ، و Heat Consuming Devices و خزانات التمدد Expansion tanks
– هنتكلم بعد كده عن وسائل الأمان اللي في الغلاية من حساسات حرارة وأجهزة مراقبة معدل التدفق وحساسات مستوى الزيت الحرارى و صمامات الأمان وأجهزة مراقبة ضغط النيتروجين Expansion Tank Pressure
– هنتعرف بعد كده على التشغيل الآمن للغلاية والصيانة اليومية والشهرية والسنوية للغلاية
