نبذة عن الكورس :
الكورس عبارة عن 6 شباتر ، مقسمة علي 8 محاضرات مكثفة ، هنغطي فيهم أغلب المواضيع المتعلقة بالمضخات
1- هنتكلم فيه عن بعض الأسس والمفاهيم العلميةاللي بتخدم الجانب العملى في باقي محاضرات الكورس ، ودا علشان تكون متأسس صح
2- هنتعرف فيه علي تطبيقات المضخات في المجالات الصناعية المختلفة ، وتصنيف المضخات ، و أنواعها ، ومميزات وعيوب كل نوع.
3- هنشرح فيه الفئة الأولى من المضخات وهي المضخات الديناميكية وأنواعها ، وازاي بعمل selection ليهم عن طريق ال specific speed أو ال Head and flow rate ، وإيه هي المفاقيد الموجودة في أي piping system ، وازاي أقلل منها قدر الإمكان.
4 – هنتكلم فيه بأدق التفاصيل عن المضخات الطاردة المركزية Centrifugal Pumps باعتبارها أكثر أنواع المضخات انتشاراً ، وهنشرح فيه مكونات أي مضخة طرد مركزي واستخداماتها ، والظواهر المختلفة اللي بتحصل فيها ، زي التكهف cavitation وغيرها ، والقوى والعوامل المختلفة اللي بتؤثر علي أداء المضخة ، كمان هنتعرف علي منحنيات النوع دا من المضخات ، وازاى أتحكم في كمية التصرف Flowrate ، وفي الضغط Head ، وايه هى العوامل اللى ممكن ترفع من آداء المضخة والعكس.
5 – وهنا هنتعرف على الفئة الثانية من المضخات وهي ال Positive Displacement Pumps بأنواعها المختلفة ، ومميزات وعيوب كل نوع ، وهنتكلم بشكل مفصل عن ال Reciprocating Pumps بكل أنواعها ، والظواهر اللي بتحصل فيها ، وازاي اتغلب عليها ، وبعدها هنتكلم عن النوع الآخر من الفئة دي وهو ال Rotary ، وهنشرح بشكل عملي كل نوع ، واستخدامه في الحياة العملية ، والأعطال والمشاكل الخاصة بيها وعلاجها.
6 – هنتكلم عن صيانة المضخات بأنواعها ، وازاي أعمل Sealing للمضخة ، وهنتعرف على البيرنج ، وازاي أختار البلية المناسبة للأحمال اللي عندي ، وكمان هنتكلم عن أكتر جزء بيهم أغلب المهندسين وهو كيفية اختيار أو توصيف المضخة بناءاً علي السيستم أو معطيات النظام اللي عندي بأعلى كفاءة وأقل تكلفة تشغيلية
